Atletico Madrid ka marrë një fitore mjaft të rëndësishme në transfertën e vështirë ndaj Vallecanos.

Ka qenë Antonio Griezmann, i cili ka shpëtuar madrilenët, duke i dhënë fitoren në minutën e 74-të.

Sfida ishte e ekuilibruar në pjesën më të madhe, ku pjesa e parë u mbyll në barazim 0-0. Në fraksionin e dytë, Atletico e shtoi presionin, teksa në lojë u aktivizua dhe Diego Costa, i rikthyer nga dëmtimi.

Në minutën e 74-të erdhi dhe zgjidhja e takimit, me Griezmann, i cili shënoi dhe pak me fat. Kështu, ekipi i Simeones ngjitet përkohësisht në vendin e dytë, në kuotën e 47 pikëve, duke lënë pas Realin me dy pikë më pak, por me “Los Blancos”, që kanë një ndeshje për të zhvilluar.