Autoritetet në Mariupol: Rusia bombardoi shkollën e artit në të cilën ishin strehuar 400 civilë
Autoritetet lokale të Mariupolit këtë të diel kanë theksuar se ushtria ruse ka bombarduar një shkollë arti në qytet ku ishin strehuar 400 banorë.
Mediet e huaja kanë publikuar deklaratën e postuar në telegram nga këshilli i Mariupolit dhe Verkhovna Rada ukrainase, të cilët theksojnë se gra, fëmijë dhe të moshuar ndodheshin brenda dhe janë ende nën rrënojat e shkollës së artit të shkatërruar G12 në rrethin e Bregut të Majtë të qytetit.
Ndërkohë nuk ka asnjë informacion në lidhje me numrin e viktimave që mund të jenë shkaktuar nga ky sulm.
Mesazhi akuzonte rusët për kryerjen e krimeve të luftës, duke i bërë jehonë fjalimit të mëparshëm video të presidentit Zelenskiy. Në transmetimin e tij të vonë të natës, Zelenskiy tha se rrethimi i Mariupolit “do të hynte në historinë e përgjegjësisë për krimet e luftës“./abcnews.al