![](https://www.epokaere.com/wp-content/uploads/2018/05/qente-endacak.png)
AUV-i ndan 420 mijë euro për identifikimin e qenve endacakë
Agjencia e Ushqimit dhe Veterinarisë (AUV) ka hapur tender për identifikimin dhe regjistrimin e qenve me pronar në territorin e Republikës së Kosovës.
Vlera e parashikuar për kontratë është 420 mijë euro, ndërsa kohëzgjatja është paraparë të jetë 12 muaj.
“Faktorët të cilët do të merren parasysh gjatë riekzaminimit janë kriteret e përcaktuara nga autoriteti kontraktues sepse çmimi është i njëjtë për të gjitha komunat i caktuar”, ka njoftuar AUV-i.
Kriter për dhënie të kontratës është caktuar çmimi më i ulët.
Afati për dorëzimin e tenderëve për operatorët ekonomikë të interesuar të ofertojnë është shkurtuar dhe AUV-i tregon arsyet për këtë.
“Dorëzimi i ofertave shkurtohet për arsye si shkak i qenve me pronarë po ndodh që të rritet edhe numri i qenve endacakë kështu që si autoritet kontraktues jemi të detyruar që të shpallim këtë tender me afat të shkurtuar”, ka njoftuar AUV-i.
Data 4 prill 2022 është edhe afati për pranimin e tenderëve.