Një avion pasagjerësh Boeing 737, që mbante 50 pasagjerë është zhdukur mbi det pasi ra nga 10,000 metra lartësi, menjëherë pas ngritjes nga Xhakarta, pretendojnë raportet.

Aeroplani Sriwijaya Air u ngrit nga kryeqyteti indonezian të Shtunën dhe po drejtohej për në Pontianak në provincën Kalimantan Perëndimore kur humbi kontaktin me dhomën e kontrollit, sipas raporteve të mediave lokale.

Aeroplani ka rënë nga 10,000 metra lartësi në më pak se 60 sekonda, vetëm katër minuta pasi u ngrit.

Kompania ajrore indoneziane Sriwijaya Air është ende duke marrë më shumë informacion para se të lëshojë një deklaratë.

Zhdukja e raportuar vjen pak më shumë se dy vjet pasi një Lion Air Boeing 737 MAX u zhyt në det pasi u ngrit në Indonezi.

Fluturimi i Lion Air JT-610 ishte drejtuar për në Pangkal Pinang, një ishull në veri të Xhakartës, kur humbi kontaktin me kullën e kontrollit më 29 tetor, vetëm 13 minuta pas ngritjes.

Përplasja la 189 persona të vdekur.