Në Dhomat e Specializuara të Kosovës në Hagë nis gjykimi ndaj ish-krerëve të UÇK-së, Hashim Thaçi, Kadri Veseli, Rexhep Selimi e Jakup Krasniqi.

Vazhdon dëshminë dëshmitari Frederick Abrahams, i cili ishte pjesë e organizatës ndërkombëtare, Humans Right Watch.

Abrahams po dëshmon për raportet që ai dhe kolegët e tij i kishit përgatitur në periudhën e luftës në kuadër të punës në Humans Right Watch.

Avokati i ish-presidentit, Hashim Thaçit, Gregory Kehoe ka pyetur dëshmitarin për detaje të dëshmisë që ai kishte dhënë lidhur me bisedën që kishte me Hashim Thaçin e Fatmir Limajn për arrestimin e gazetarëve serbë.

Avokati thotë se i ashtuquajturi gazetarë serb, njëri nga ata të dy kishe marrë pjesë edhe në krime luftën në Kroaci dhe se roli i tij ishte si spiun dhe të mbulohej se ishte gazetar i Tanjugut. Dhe e ka pyetur dëshmitarin nëse është në dijeni.

Abrahams ka thënë se nuk kishte këto informacione, por tha se arrestimi dhe gjykimi që iu bë atyre nuk kishte gjykim ligjor.

“Duhet parë në dy forma kjo pyetje. Nëse ne do të merrnim parasysh këto dhe kritika që ne kemi bërë këtu. Nëse do të kishte prova se kishte kryer krime në Kosovë dhe gjykimi që iu është bërë do të duhej të bazohej në gjykim ligjor”, thotë Abrahams.

Tutje ata vazhdojnë të diskutojmë për raportimin e tyre si të zhdukur dhe arrestimin nga krerët e UÇK-së.

Po vazhdon sesioni i hapur i dëshmitarit.