Avokati i ish-presidentit të Kosovës, Hashim Thaçi, Gregory Kehoe, ka pasur mjaft kritika ndaj Zyrës së Prokurorit të Specializuar (ZPS) sa i përket mospranimit të garancës së Policisë së Kosovës për lirimin me kusht të Thaçit dhe të tjerëve.

Kehoe është shprehur se duhet të ndodh një debat lidhur me dyshimet që i ka prokuroria sa i përket garancës së policisë dhe lirimit me kusht të tyre.

“Unë nuk ju kërkojë të ndryshoni urdhrin që keni lëshuar, por unë po ju kërkoj, po them se asnjë shqiptar nga Kosova nuk është liruar nga kjo gjykatë, më herët ka ndodhur. Pse? Nuk paska asnjë kusht që garanton që këta individë do të paraqiten në gjykatë në kohën e duhur dhe se do të respektojnë çdo vendim tuajin. Kjo procedurë duhet të shqyrtohet, pra me debat të hapur, të shohim se cilat janë rezervat që ka prokuroria mbi Policinë e Kosovës, pra ne kërkojmë seancë dëgjimorë që t’i dëgjojmë se pse këta burra po e presin gjykimin këtu dhe të merremi me kushtet e vendosura”, ka thënë ai.

Kehoe është shprehur se nuk duhet të vazhdohet me komente të prokurorisë sipas së cilave policisë së Kosovës nuk mund t’i zihet besë.

“Të mos vazhdojmë me këto komente të maskuara të prokurorisë së kinse Policisë së Kosovës nuk mund t’i zihet besë. Ne duhet t’iu bëjmë pyetje këtyre personave se do t’i respektojnë vendimet e gjykatës. Marrë parasysh afatet e ngushta kur ne do të dalim para jush, duam që të zhvillojmë atë se çfarë do të bëjmë nesër, të flasim hapur, të mos flasim në bazë të gjërave të okupuara”, ka thënë Kehoe.

Seanca dëgjimore ndaj Thaçit dhe të tjerëve po vazhdon të mbahet dhe mendohet se është e fundit për këtë vit.