Në konferencën statusore që po mbahet në Hagë për rastin kundër ish-krerëve të UÇK-së, fjalën e ka marrë njëri nga avokatët e ish-presidentit Hashim Thaçi, David Hooper, i cili ka thënë se propozimi për nisjen e gjykimit në qershor është absurd, për shkak të situatës me koronavirus në të cilën ndodhet bota aktualisht.

“Prokuroria ka kryer hetime të gjata për mendimin tim mbi pesë vjet dhe ka pas në dispozicion materiale që janë vënë edhe prej hetimeve tjera që janë kryer shumë vite më parë. Prokuroria ka kryer hetime para situatës së koronavirusit, mendoj se 18 muaj do të na duhen përpara se të mendojmë për fillimin e një gjykimi. Propozimi që gjykimi të nis në qershor është absurd, kjo është një çështje e komplikuar, ndoshta mund të fillojë një vit më pas”, ka thënë Hooperi.

Më tutje, ai ka pasur kritika lidhur me aktakuzat e ngritura, pasi ka theksuar se ka fjali ku thuhet në një ditë pa u specifikuar dita ose data kur ka ndodhur.

“Një fjali kur thotë një ditë dhe nuk jepet data, kjo nuk është një format adekuat, materiali duhet të jetë i hapur për mbrojtja…”, është shprehur ai.