Avokati Gregory Kehoe ka mbështetur pretendimin e tij se Hashim Thaçi nuk kishte pushtet që të parandalohet apo ndëshkonte krimet e mundshme gjatë luftës.

Ai ka thënë se Thaçi dhe Azem Syla, që atëbotë ishte komandant i përgjithshëm i UÇK-së ishin në Rambuje, kur Syla ishte shkarkuar dhe zëvendësuar me Sylejman Selimin.

“Hashim Thaçi nuk kishte mundësinë të parandalonte apo të ndëshkonte krimet që ndodhnin nëpër zona. Pushteti real u takonte komandantëve të zonave”, ka thënë ai në paraqitjen e fjalës hyrëse të procesit gjyqësor.