Avokati Arianit Koci ka ngritur një çështje – përdorimin e odave në fushatë.

Ai ka thënë se odat nuk janë menduar për gra dhe se ato po ndihen keq gjatë fushatës.

“Odat s’janë mendu për gra, prandaj gjatë fushatës po ndihen keq. S’kanë si me u ulë, as si me u përshtatë. Me u ulë këmbëkryq? Nuk po mundem për shumë arsye. Po me i mbajt këmbët anash? Njëjtë! Në anën tjetër, politikanët po e kultivojnë kërkimin e votës nëpër oda! Zgjidhja: 1. Shto karrige a kolltuqe. 2. Bëje më moderne odën, përshtate për të gjithë. 3. Traditat s’janë të shenjta, ndryshoje kur s’përshtaten. A ka lider që e thotë këtë gjatë fushatës? Pse dyshemenë duhet të na mbajnë peng? Traditat duhet me i ruajt, por jo kur na mbajnë mbrapa. Mbi të gjitha, shoqëria që e përjashton gruan në këtë kohë, nuk është shoqëri moderne”, ka shkruar Koci në “Facebook”.