Kryetari i Mitrovicës, Agim Bahtiri, përmes një postimi në llogarinë e vet në “Facebook” u ka bërë thirrje qytetarëve të kësaj komune që të jenë të kujdesshëm në përballje me koronavirusin

Ai ka thënë se sa më i mistershëm që sillet virusi që po e luftojmë, aq më të kujdesshëm duhet të jemi.

“Ndihem krenar që jam kryetar i të rinjve dhe të rejave, grave e burrave më një edukatë çfarë edhe po e tregoni, ju jam mirënjohës çdo herë. Ne s’jemi lodhur, nuk jemi mërzitur e as nuk jemi dorëzuar sepse e dimë që do të fitojmë, do të fitojmë së bashku. Tash e vërej që jemi vetëdijesuar dhe jemi gati për çdo sfidë. Ju admiroj pa masë”, ka shkruar Bahtiri.

/Epoka e re/