Deputetja e LDK-së, Hykmete Bajrami, e ka pyetur ministren e Punëve të Jashtme se “çfarë të mira i ka sjellë” Gani Jakupi Kosovës.

“Na trego se çfarë të mira i ka sjellë Gani Jakupi Republikës së Kosovës, na trego sa njohje i ke sjellë në mandatin tënd 4 vjeçar, na trego në sa organizata ndërkombëtare jemi anëtarësuar”.

“E kanë kallë një Kosovë për një marrëveshje e cila ka pasur brenda një memoratorium për mos me kërkuar njohje. Ajo marrëveshje ka kaluar, një vjet ka qenë, por ne e kemi marrë njohjen prej Izraelit, ju asnjë njohje për 4 vjet, asnjë anëtarësim”, ka thënë Bajrami.