Deputetja e Lidhjes Demokratike të Kosovës (LDK), Hykmete Bajrami, ka akuzuar Qeverinë duke thënë se janë “të korruptuar dhe krenarë”.
“Video produksioni i Qeverisë/LVV ka harru ta cekë “se sot për herë të parë është data 28 gusht 2023” dhe ata po i afrohen fundit të mandatit qeverisës”, ka shkruar Bajrami.
Bajrami e ka akuzuar pushtetin duke thënë se quditet kur bëhet fjalë për rritje ekonomike duke shkruar “ani lulzim ekonomik”.
Tutje, Bajrami i ka shtruar njëzet e shtatë pyetje që kanë të bëjnë me pushtetin aktual dhe problemet me të cilat po ballafaqohet.

Më poshtë gjeni pyetjet e saj:
“- Sa ditë ju bënë Kosovës nën sanksione?
– Cili është dëmi ekonomik dhe politik që i keni shkaktu vendit, duke e vënë nën sanksione?
– Sa është zvogëlu eksporti i mallrave?
– Me çfarë deficit tregtar e keni mbyllë vitin 2022?
– Si lavdëroheni me inflacion, derisa qytetarët mezi mbyllin muajin?
– Sa tenderë njëburmorë keni nënshkru?
– Sa tenderë ju keni dhanë miqëve e dashamirëve ?
– Prej kur korrupcioni është trillim? – jeni zënë në flagrancë.
– Sa e keni rritë tatimin në pronë?
– A e keni bë TVSH-në zero në produkte bazë siç keni premtu?
– Sa qytetarë të këtij vendi kanë ikë nga këtu?
– Sa punëtorë të administratës shtetërore e kanë lënë punë?
– Sa policë e kanë lënë punën?
– Sa mjekë kanë ikë jashtë shtetit?
– Sa ushtarë të FSK-së detyrohen të punojnë kamarier, në mbrëmje se nuk ju mjafton paga për ta mbajtë familjën?
– Sa është rritë çmimi i energjisë elektrike?
– Sa qerdhe i keni ndërtu?
– Sa qifte të reja i keni bë me banesë?
– Sa sovranitet ka në veri sot?
– Sa ditë ju bënë Lulzim Hetemit në komunë?
– Çka ka përfitu Kosova nga qendrimi i tij brenda një ndërtese ?
– Sa njohje të reja i keni sjellë vendit?
– Sa fëmijë do të ngelin pa libra këtë vit?
– Sa orë mësim do të humbin?
– Sa ligje i ka rrëzu kushtetusja deri tani?
– Sa ministra e kanë shkelë kushtetutën?
– Sa ministra e kanë shkelë ligjin?”

Ndryshe, ajo ka përfunduar duke thënë se pret “përgjigje me video” për këto pyetje.