Skuadra e Ballkanit mori një pikë në ndeshjen kundër Feornikelit, duke e barazuar rezultatin në minutat shtesë (1-1).

Trajneri Ismet Munishi ka thënë se skuadra e tij e meritoi një pikë nga kjo ndeshje e vështirë.

“Ishte ndeshje e vështirë, kundër një kundërshtari të fortë. E morëm një gol nga pakujdesia. Më vjen mirë që reagoi skuadra, sidomos në pjesën e dytë morëm ne iniciativën dhe në fund arritën të barazojmë rezultatin. Më vjen mirë që po largohemi me një pikë dhe të pamposhtur nga këtu. Në pjesën e dytë ndryshuam taktikisht, stilin e lojës, që solli rezultate”, ka thënë Munishi, raporton “Epoka e re”.

“Besoj që nuk duhet të luhet ndeshje e ashpër sepse nuk më vyen fitorja nëse lëndohet ndonjë futbollist. Në pjesën e parë e kishim të vështirë të dalim përpara pikërisht edhe për shkak të lojës së ashpër, është dashur më herët të ndëshkohen futbollistët me kartonë”, ka shtuar Munishi.