Skuadra e Ballkanit nga Suhareka e ka transferuar sulmuesin Albion Rrahmani nga Malisheva.

Rrahmani kishte shkëlqyer në sezonin e fundit në Ligën e Parë, ndërsa klubi “Portokalli” nënshkroi kontratë trevjeçare me të, deri në vitin 2024.

Paraqitjet solide që i bëri në sezonin e fundit bënë që ai ta merrte pseudonimin “Lewandowski i Malishevës”. “Urojme që tani Lewandowski i Ballkanit të na ndihmojë në arritjet e klubit si dhe atij personale”, ka shkruar klubi nga Suhareka në rrjetet sociale.

Ballkani e transferoi Rrahmanin në vend të Mirlind Dakut, i cili u rikthye në Osijek të Kroacisë.