Kryeministri i Sri Lankës, Ranil Wickemesighe, ka deklaruar se ekonomia e shtetit ka kolapsuar tërësisht.

Ai është shprehur se pas muajve të tërë në mungesë ushqimi, karburanti e energjie, ekonomia tani ka kolapsuar tërësisht.

“Sri Lanka po përballet me një situatë shumë më serioze përtej mungesës së thjesht të karburantit, gazit, energjisë elektrike dhe ushqimit. Ekonomia jonë ka rënë plotësisht”, ka thënë ai.

Kryeministri Wickemesighe, i cili është edhe ministër i Financave, ka thënë se shteti nuk është më në gjendje të blejë karburant të importuar, madje edhe me para në dorë.

Ai ka thënë se qeveria ka humbur mundësia për të ndryshuar situatën.