Autoritetet zvicerane kanë thënë që banorët do të lejohen të shkojnë për pushime në vitin 2020.

Karin Keller-Sutter, shef i Departamentit të Drejtësisë Zvicerane, tha se qeveria nuk do t’i ndalojë banorët e Zvicrës të largohen gjatë verës së vitit 2020 dhe, po ashtu, nuk do të ndalohen që ata të kthehen, shkruajnë mediat zvicerane.

Sidoqoftë, ajo tregoi se kushdo që synon ta bëjë këtë mund të hasë vështirësi vetëm në kufijtë e shteteve të tjera, pasi që shumë vende fqinje janë të vendosura t’i mbajnë kufijtë e tyre të mbyllur për të ardhmen e parashikueshme.

Duhet theksuar se deklarata e Keller-Sutter erdhi vetëm disa ditë pasi Erik Jakob, kreu i Sekretariatit Shtetëror për Economi, tha se udhëtimet do të duhej të shtyheshin deri në vitin 2021, përcjell tutje albinfo.ch.

“Me një rekomandim personal, unë do t’i shtyja udhëtimet jashtë vendit deri në vitin e ardhshëm”, tha Jakob të hënën.

Të mërkurën, Jakob kërkoi falje për komentet e tij, duke thënë se ndërsa ai personalisht planifikonte të mos bënte pushime, deklarata e tij nuk ishte një “rekomandim zyrtar”.

“Deklaratat e mia nuk ishin në asnjë mënyrë si një rekomandim zyrtar për të shtyrë të gjitha udhëtimet e pushimeve jashtë vendit nga viti 2020 deri në vitin 2021”, tha ai.

Zviceranët mund të largohen dhe të kthehen, por duhet të kontrollohen me vendet e destinacionit.

Keller-Sutter tha se derisa zviceranëve u lejohet ta lënë vendin, ata duhet të jenë të kujdesshëm në lidhje me situatën në çdo vend destinacioni ,madje edhe ato që ndajnë një kufi me Zvicrën.

“Zviceranët mund të largohen nga Zvicra ashtu siç dëshirojnë dhe më pas të hyjnë përsëri”, tha ai

Sipas tij, nëse situata është e qetë në javët e ardhshme, Zvicra do të hapet për turistët ndërkombëtarë këtë verë.

Po ashtu, Keller-Sutter tha se zviceranet mund të pushojnë edhe në Zvicër. “E mira është, pushimet në Zvicër janë të mundshme në çdo kohë. Ne dëshirojmë t’i bëjmë thirrje popullatës që t’i kalojë pushimet në Zvicër. Ata mundësojnë edhe ngritjen e ekonomisë përsëri”, tha ai.