Ousmane Dembele tani është një hap larg Paris Saint-Germain. Zëvendëspresidenti i Barcelonës, Rafa Yuste, e konfirmoi diçka të tillë pak orë më parë.

“Ne jemi gati të arrijmë një marrëveshje me PSG-në. Ne po kujdesemi për këtë, të gjitha palët duan që marrëveshja të përfundojë sa më shpejt të jetë e mundur”, ka thënë Yuste. Dembele do të transferohet në Paris pas pagesës së klauzolës prej 50 milionë eurosh të parashikuar në kontratë.

26-vjeçari ka luajtur 25 ndeshje këtë sezon në “Camp Nou”, ku ka shënuar pesë gola dhe ka asistuar shtatë herë. Dembele ka luajtur më parë për Borussia Dortmund dhe Rennes.