Paolo Dybala mund të largohet nga Juventusi në fund të sezonit. Për argjentinasin, kanë shprehur interesim shumë klube të mëdha evropiane.

“Calcio Mercato” shkruan se Barcelona është e gatshme ta ofrojë Antoine Griezmannin si pjesë e marrëveshjes për të nënshkruar me Paolo Dybalan. Te Barça besojnë se transferimi i argjentinasit do ta freskonte fazën e sulmit.

Po ashtu, është raportuar edhe për një shkëmbim të Dybalas me Icardin e PSG-së. 28-vjeçari ka kontratë me Juventusin deri në fundin 2022 dhe deri me tani nuk ka gjetur gjuhë të përbashkët me klubin italian për vazhdimin e kontratës.

Që një kohë të gjatë, ai është në qendër të vëmendjes për një largim nga “Zonja e Vjetër”.