Raportet mes Barcelonës dhe Luis Suarezit janë mjaft të tensionuara, pasi futbollisti nuk bën pjesë në planet e trajnerit Ronald Koeman, por njëkohësisht nuk pranon prishjen e parakohshme të kontratës që skadon verën e ardhshme.

Sulmuesi nga Uruguai është gati të heqë dorë nga kontrata vetëm nëse merr rrogën edhe për sezonin e ardhshëm, por kjo ka acaruar jo pak drejtuesit e Barcelonës, të cilët e kanë kërcënuar Suarezin se do ta lënë një vit në tribunë nëse nuk pranon largimin.