KB Sigal Prishtina ka shënuar fitore ndaj Vëllaznimit në udhëtim me shifrat 62:69 (18:17, 17:12, 17:23, 10:17), në kuadër të javës së 13-të në Prince Caffe Superligën e Kosovës në basketboll.

Ndeshja nisi e baraspeshuar, ku çereku i parë përfundon 18:17. Vendasit ishin më të mirë në periudhën e dytë, që përfundon 17:12, derisa skuadrat shkuan në pushim me shifrat 35:29.

Por, prishtinasit ishin më të mirë në pjesën e dytë, duke e fituar edhe këtë duel. Periodën e tretë e fitojnë 17:23 dhe atë të fundit 10:17, duke triumfuar në fund 62:69.

Te Vëllaznimi u dalluan Cendrik Council me 23 pikë e 11 kërcime, Christopher Hortman me 14 pikë e 15 kërcime dhe Devonte Jackson me 15 pikë e 10 kërcime, kurse te Sigal Prishtina më i miri ishte Daniel Lekndreaj me 22 pikë e gjashtë kërcime. Tani të dy skuadrat kanë nga katër fitore dhe nëntë humbje.