Veprimtarët Bardhyl Mahmuti dhe Ramadan Avdiu kanë vizituar në Hagë, Hashim Thaçin, Kadri Veselin, Jakup Krasniqin, Rexhep Selimin, Nasim Haradinajn dhe Hysni Gucatin.

Ndërkaq vizita te Salih Mustafa nuk u është mundësuar.

“Në njëvjetorin e paraburgosjes së personaliteteve të shquara të lirisë së Kosovës, më 6 dhe 7 nëntor vizituam Jakup Krasniqin, Hashim Thaçin, Kadri Veselin, Rexhep Selimin, Nasim Haradinajn dhe Hysni Gucatin. (Vizita për Sali Mustafën nuk na u mundësua). Gjatë takimeve që patëm bisedat u zhvilluan rreth kujtimeve që lidhen me të kaluarën tonë të përbashkët, diskutuam për vepra të ndryshme shkencore e artistike dhe në asnjë rast nuk folëm rreth motiveve të pararaburgosjes apo jetës në burg”, ka shkruar në llogarinë e vet në “Facebook” Bardhyl Mahmuti.

Ai ka treguar se gjatë gjithë kohës sa qëndruan aty, bashkë ata pasqyronin karakterin e njerëzve të qeshur, optimistë dhe të pathyeshëm, ishte e vështirë të shihje çlirimtarët të privuar nga liria!

“Pas përfundimit të vizitës kthehemi me ndjenjën se një pjesë e lirisë sonë mbahet prapa grilave”, ka shkruar Bardhyl Mahmuti.