Ish-komandanti i Ushtrisë Çlirimtare të Kosovës, Salih Mustafa, është dënuar sot nga Gjykata Speciale, me seli në Hagë, me 26 vjet burgim për vrasje të paligjshme, ndalim arbitrar dhe torturë.

Kryetari i qendrës “Gjenocidi në Kosovë-Plagë e hapur”, Bardhyl Mahmuti, ka reaguar ndaj këtij vendimi, duke theksuar se nuk mund të pritet drejtësi nga një gjykatë politike.

“Dënimi i padrejtë i Nasim Haradinajt, Hysni Gucatit dhe i Sali Mustafës dëshmon se gjykata e krijuar mbi bazën e sajesave politike nuk u bë për të hequr akuzat shpifëse ndaj UÇK-së, por për ta vënë atë në bankën e akuzës dhe për ta dënuar! Pa zhbërjen e kësaj sajese politike nuk do të ketë drejtësi!”, ka shkruar Bardhyl Mahmuti në “Facebook”.