Në një bashkëbisedim me banorët e Manzës, në Durrës, kreu i Partisë Demokratike, Lulzim Basha ka folur për largimin e ish-ministrit të Brendshëm, Fatmir Xhafaj.

“Fatmir Xhafaj u largua i shkatërruar nga detyra. Kjo qeveri erdhi në pushtet nga lidhjet me bandat. Fatmir Xhafaj, prej ditës së parë në atë karrige kishte një merak, të shpëtonte vëllain e dënuar. Ai u largua nga frika e përballjes me hetimin. Xhafaj përballej me përgjegjësinë e përfshirjes në manipulimin e një dosjeje hetimore, për t’i bërë bisht dosjes së vëllait të tij Agron Xhafaj”, ka thënë Basha.