Princi Philip është shtruar në një spital në Londër pasi nuk është ndjerë mirë, ka raportuar Pallati Buckingham. Bashkëshorti i Mbretëreshës Elizabeth, është shtruar të martën mbrëma në spitalin King Edward VII në Londër.

Sipas një burimi pranë Pallatit mbretëror, Duka i Edinburgh është dërguar në spital me makinë, si masë paraprake pasi u këshillua nga mjeku.

Mediat e huaja shkruajnë se 99-vjeçari pritet të qëndrojë në spital për disa ditë, nën vëzhgimin e mjekëve.

CNN shkruan se Mbretëresha ka qëndruar në Windsor Castle. Gjithashtu kujtojmë se çifti mbretëror ka marrë dozën e vaksinës Covid-19 në janar të vitit 2021.