Skuadra e Llapit është kualifikuar në finalen e Kupës së Kosovës, pasi e  mposhti Prishtinën me rezultat 2-0. Rezultati i përgjithshëm nga dy takimet ishte 3-2.

Trajneri Batatina ka befasuar me komentin e tij pas ndeshjes. “Mendoj se Llapi është më shumë meritë në finale, nuk jemi si turistë, por kemi mundur ekipet më të forta të futbollit në Kosovë. Me plot meritë po shkojmë në finale, kemi qenë shumë të kujdesshëm. Janë dy lloje supash, e knusit dhe e pulës, Prishtina për mua ka qenë si një supë e pulës. Sot shënuam dy gola, e merituam shumë”, ka deklaruar Batatina.