Kritikat për yjet e Argjentinës dhe Lionel Messin, kanë vërshuar nga të gjitha anët, por ka nga ata që e mbrojnë Messin.

Gabriel Batistuta, ka thënë se kritikat për kapitenin aktual të Argjentinës janë të pakuptimta për faktin e ai është lojtari më i mirë në botë.

“Sigurisht do të kisha preferuar një tjetër ecuri të Argjentinës në Botëror. Jemi të gjithë të keqardhur, por nuk ka mbaruar akoma, në futboll nuk i dihet kurrë se çfarë ndodh. T’i jap një këshillë Messit? E çfarë mund t’i them futbollistit më të mirë në botë? Leo është një futbollist i madh, kritikat në drejtim të tij nuk kanë kuptim”, ka thënë Batistuta.