Anëtari i Lidhjes Demokratike të Kosovës (LDK), Hatim Baxhaku, ka bërë të ditur se nuk është i gatshëm e as në dispozicion që ta marrë postin e nënkryetarit të Prizrenit.

Ish-kandidati i LDK-së për të parin e kësaj komune e bërë këtë lajm të ditur përmes një postimi në Facebook, ndërsa shtoi se arsyet do t’i tregojë në një rast tjetër.

“Për këte post unë nuk kam patur asnjëherë pretendime. Por në mbledhjen e kryesisë së degës së LDK – së , nga shumica e anëtarêve të kryesisë ka dalë propozimi që nëse arrihet ndonjë koalicion unë te jem kandidat për nënkryetar”, shkroi Baxhaku.

Postimin e plotë të Baxhakut mund ta lexoni më poshtë:

Te nderuar qytetarë ,aktivistë, simpatizantë dhe përfaqësues të strukturave të LDK-së të komunës së Prizrenit.
Këto ditë gjatë negociatave për një koalicion të mundëshëm me VV ne Prizren është permendur edhe emri im si kandidat për nënkryetar të Komunës së Prizrenit.
Për këte post unë nuk kam patur asnjëherë pretendime. Por në mbledhjen e kryesisë së degës së LDK – së , nga shumica e anëtarêve të kryesisë ka dal propozimi që nëse arrihet ndonjë koalicion unë te jem kandidat për nënkryetar.
Me qëllim të informimit të drejtë të gjithë juve , dua t’ju informoj se unë nuk jam i gatshëm dhe i disponuar për këte pozitë për shumë arsye të cilat do ti tregoj në një rastë tjetër.
Unë në planin politik do ti përkushtohëm punës ne LDK për fuqizimin e partisë ashtu që në zgjedhjet e ardhëshme t’ja kthejmë Prizrenit dhe qytetarëve të saj qeverisjen e LDK-së e cila i nevojitet Prizrenit dhe të cilën e meriton Prizreni dhe qytetarët e tij.

Ju faleminderit për mirëkuptim.

Sinqerisht, Hatim Baxhaku