Bayerni nuk ka ndërmend të ndalet në Bundesligë, teksa ka koleksionuar fitoren e tretë radhazi.

Skuadra e Flick mundi 3-1 Werder Bremen në transfertë.

Goretzka zhbllokoi sfidën në minutën e 22-të me një goditje me kokë. Në minutën e 35-të, pas një aksioni të bukur, Muller shërben një asist për Gnabry, i cili me një thjeshtësi të madhe e dërgon në kuadrat topin.

Në fraksionin e dytë nuk mund të mungonte as firma e Lewandowskit, i cili realizoi me lehtësi brenda zonës. Vendasit shënuan ndërkohë një gol nderi me Fullkrug. Bayerni mbetet në krye me 58 pikë, 5 më shumë se Leipzig.

Në sfidat e tjera spikat fitorja me goleadë 5-0 e Wolfsburgut kundër Schalkes, teksa Mustafi do të realizonte autogol.