Dayot Upamecano është lojtari më i ri i Bayern Munichut. Lajmin e ka bërë të ditur klubi “bavarez” ndërmjet uebfaqes zyrtare të klubit.

Ditë më parë, gazetari italian, Fabrizio Romano, kishte raportuar se Bayerni dhe Leipzig kishin arritur marrëveshje për transferimin e Upamecanos në Allanz Arena, por asgjë nuk u zyrtarizua nga klubet.

Tani është zyrtare, edhe Drejtori Sportiv i Bayernit, Hasan Salihamidziq, komentoi transferimin e 22-vjeçarit në “Allanz Arena”.

“Ne jemi të lumtur që kemi mundur të transferojmë Dayot Upamecano tek FC Bayern Munchen. Dayot do të jetë një komponent shumë i rëndësishëm për skuadrën tonë në vitet e ardhshme, ne jemi të bindur për këtë”, u shpreh Salihamidziq në faqen zyrtare të klubit.