Ministrat e Jashtëm të BE-së do të takohen nesër në Bruksel për të diskutuar lidhur mbi çështje aktuale në skenën ndërkombëtare, duke përfshirë takimin e fundit të liderëve të Ballkanit Perëndimor në Tiranë.

Në mbledhjen e Këshillit, të kryesuar nga Përfaqësuesja e Lartë e BE-së për Politikën e Jashtme Federica Mogerini, do të merret në konsideratë situata në Venezuelë.

“Ministrat pritet të flasin edhe për takimin e fundit të liderëve të Ballkanit Perëndimor në Tiranë,” thuhet në faqen e internetit të Këshillit të Ministrave të Punëve të Jashtme të BE-së.

Ministrat do të diskutojnë për Libinë, veçanërisht mbi zhvillimet e fundit në vend dhe hapat e mundshëm të ndërmarrë nga BE për të shmangur përshkallëzimin e mëtejshëm të konfliktit.

Po ashtu, do të diskutohet situata në rajonin Sahel, ku përfshihen Burkina Faso, Çadi, Mali, Mauritania dhe Nigeria.