Kreu i Agjencisë së Barnave të Bashkimit Evropian, Guido Rasi, ka thënë se një autorizim për ilaçin remdesivir për trajtim nga COVID-19 mund të jepet në ditët e ardhshme.

Agjencia Evropiane e Barnave (EMA) ka rekomanduar tashmë përdorimin e remdesivirit, i cili lejon që një ilaç të administrohet te pacientët edhe para se të jetë plotësisht i autorizuar.

“Mund të ndodhë që një autorizim i kushtëzuar i tregut të lëshohet në ditët në vijim”,  tha Rasi në Parlamentin e BE-së në Bruksel.

Përveç remdesivirit, Rasi tha se trajtime të tjera të mundshme kundër COVID-19, që mund të jenë në dispozicion të shpejtë, janë ato të bazuara në antitrupa monoklonalë, të cilët mund të “neutralizojnë” koronavirusin e ri (SARS-CoV-2) që shkakton sëmundjen COVID-19. /Tch