![](https://www.epokaere.com/wp-content/uploads/2021/07/diamant.jpg)
BE-ja sanksionon prodhuesin më të madh të diamanteve në Rusi
Bashkimi Evropian (BE) ka vendosur sanksione ndaj gjigantit shtetëror rus të diamanteve, Alrosa, dhe ndaj shefit ekzekutiv të kësaj kompanie.
Sanksionet e 3 janarit të bllokut evropian janë pjesë e ndalesës së importeve të gurëve të çmuar të Rusisë lidhur me luftën në Ukrainë.
Në dhjetor të vitit 2023, BE-ja është pajtuat që të ndalonte eksportet e diamanteve nga Rusia, përderisa ka ashpërsuar sanksionet me qëllim që të ulë edhe më tej të ardhurat e Kremlinit.
Blloku evropian ka shtuar Alrosan, kompaninë më të madhe në botë të diamanteve dhe të minerave, dhe shefin e saj ekzekutiv, Pavel Marinychev, e futi në listë të zezë duke i ndaluar lëvizjen në BE. Marinyhevit po ashtu do t’i ngrihen asetet që ka në bllok.
BE-ja ka thënë se kompania – e cila vlerësohet se prodhon 90 për qind të diamanteve në Rusi – “është një pjesë e rëndësishme e sektorit ekonomik që i ofron të ardhura substanciale qeverisë” ruse.
Totali i eksporteve të diamanteve nga Rusia më 2022 arriti në 4 miliardë dollarë.
Ndalimi i procedimit të diamanteve në shtetet e treta do të hyjë në fuqi në shtator, ka thënë blloku.
Deri më tani, BE-ja ka vendosur 12 runde sanksionesh ndaj Moskës që kur Rusia nisi pushtimin e paprovokuar të Ukrainës në shkurt të vitit 2022.