Pronari i Inter Miamit, David Beckham ka kontaktuar me presidentin e Real Madridit, Florentino Perez për të biseduar për një transferim të mundshëm të James Rodriguezit, shkruan “Goal.com”.

Reprezentuesi i Kolumbisë, Rodriguez po pritet të largohet nga Reali në përfundim të stinorit, pasi trajneri i Realit, Zinedine Zidane nuk po llogaritë më në të.

Inter Miami është duke u interesuar të transferojë yllin kolumbian. Reali është i hapur të dëgjojë ofertat për mesfushorin ofensiv 28-vjeçar.

Beckham e njeh mirë presidentin e Realit, Florentino Perez nga koha kur anglezi luante te gjiganti i La Ligas 2003-2007. Shpreson të shfrytëzojë këtë lidhje për transferimin e kolumbianit. Rodriguez ka kontratë me Realin deri në verën e vitit 2021.