Kandidati për kryeministër nga radhët e PDK-së, Bedri Hamza, po takohet me qytetarë gjithandej Kosovës.

Hamza ka thënë se kudo që po shkon po merr ide të jashtëzakonshme për programin.

Ai ka theksuar se ‘mënyra më e mirë për të ardhur deri tek idetë e mira është të kemi shumë ide’.

“Dallime mund të kemi. Mund edhe të debatojmë me njëri-tjetrin për atë që besojmë se është më e rëndësishme. Por, mënyra më e mirë për të ardhur deri tek idetë e mira është të kemi shumë ide. Nga të gjithë qytetarët, kudo që po shkoj, po marr ide të jashtëzakonshme për programin tim.Është kënaqësi e veçantë, që të takoj dhe punoj me njerëz të mrekullueshëm gjithandej Kosovës” shkruan Hamza në Facebook.