Presidenti i Shqipërisë, Bajram Begaj, ka pritur të hënën në një takim senatorin italian, Luciano D’Alfonso, të shoqëruar nga një grup sipërmarrësish italianë.

Në takim janë theksuar marrëdhëniet shumë të mira dhe të ngushta ndërmjet Shqipërisë dhe Italisë në të gjitha fushat, përfshirë dhe atë ekonomike, të favorizuara edhe nga afërsia gjeografike mes dy vendeve.

Presidenti Begaj, ka thënë se Italia është porta hyrëse e Shqipërisë për në BE, ndërsa Shqipëria një portë e mirë hyrëse e biznesit italian në Ballkanin Perëndimor.

Intensifikimi i këtyre marrëdhënieve ka sjellë jo vetëm shtimin e investitorëve italianë në Shqipëri, por dhe faktorizimin e biznesit shqiptar në Itali.