Presidenti i Shqipërisë, Bajram Begaj në 26-vjetorin e Masakrës së Reçakut, ka thënë se denoncimi i kësaj masakre ndryshoi historinë e Kosovës dhe qasjen e komunitetit ndërkombëtar ndaj saj.

Begaj i ka shprehur mirënjohje ambasadorit amerikan, William G. Walker.

“Më 15 janar 1999, në fshatin Reçak të Kosovës, u ekzekutuan dhe masakruan barbarisht nga njësitë kriminale serbe 45 shqiptarë civilë të paarmatosur. Denoncimi i kësaj masakre ndryshoi historinë e Kosovës dhe qasjen e komunitetit ndërkombëtar ndaj saj. Lavdi përjetë burrave dhe grave të Kosovës, që qëndruan për lirinë e saj! Mirënjohje ambasadorit amerikan, William G. Walker, ‘Kalorës i Urdhrit të Flamurit’!”, ka shkruar Begaj në “Facebook”.