Presidenti i Shqipërisë, Bajram Begaj, sot pret homologen sllovene, Natasha Pirc Musar, e cila me ftesën e tij zhvillon një vizitë zyrtare në Shqipëri.

Në orën 10:00 zhvillohet ceremonia zyrtare e mirëseardhjes e cila pasohet nga një takim kokë më kokë dhe më pas me takimin e zgjeruar mes delegacioneve të dy shteteve.

Begaj dhe Musar do të kenë gjithashtu një konferencë të përbashkët shtypi të parashikuar në orën 11:20, shkruan euronews.al.

Gjatë qëndrimit në Shqipëri, presidentja e Sllovenisë dhe delegacioni që e shoqëron pritet të vizitojnë disa pika tërheqëse turistike të vendit.