Deputeti i Partisë Demokratike të Kosovës (PDK), Abelard Tahiri, ka publikuar një fotografi në llogarinë e vet në “Facebook”, ku shihet së bashku me disa nga themeluesit e UÇK-së.

Në këtë fotografi shihen së bashku presidenti Hashim Thaçi, lideri i PDK-së, Kadri Veseli, ish-komandat i shtabit të përgjithshëm i UÇK-së, Sylejman Selimi, ish-komandanti i Zonës Operative të Drenicës, Sami Lushtaku, ish-komandnati i Brigadës 112 “Arben Haliti”, Jetullah Geci,  ish-anëtari i shtabit të përgjithshëm të UÇK-së, Adem Grabovci, dhe ish-luftëtarët e orëve të para të lirisë, Xhevahir Geci e Fadil Kodra.

“Përgjithmonë krenar me brezin e njerëzve që themeluan Ushtrinë Çlirimtare të Kosovës, dhe përmes luftës për liri, e vunë në vend sakrificën dhe të drejtën e popullit tonë, për Kosovën shtet të pavarur e sovran. UÇK”, ka shkruar Tahiri në llogarinë e vet në “Facebook”.