Ish-këshilltari i ish-presidentit Hashim Thaçi, Artan Behrami, ka vazhduar kritikat ndaj Gjykatës Speciale.

Ai ka vlerësuar se dëshmitarët serbë të Gjykatës Speciale po shërbehen nga dezinformatat e shërbimeve sekrete serbe.

Behrami në “Facebook” ka shkruar se Prokuroria e Gjykatës Speciale po legjitimon propagandën e fabrikuar të Serbisë.

“Duket se krejt dëshmitarët serbë që i kemi parë në proces gjyqësor kundër krerëve të UÇK-së, po shërbehen nga dezinformatat e Shërbimeve serbe. D.m.th. prokuroria e Gjykatës Speciale po legjitimon propagandën e fabrikuar të Serbisë dhe të Vuçiqit kundër krerëve të UÇK-së!”, ka shkruar Behrami.

Në fillim të kësaj, hetuesit e kësaj gjykate e kanë bastisur edhe shtëpinë e Behramit dhe të disa ish-këshilltarëve të Thaçit.