Geta Beqa ka arritur të zë vendin e parë në garën e fitnesit “IFBB ELITE PRO” në kategorinë Wellness Fitness në Madrid.

Geta përfaqësoi Kosovën në kategorinë “Wellens Fitness”, në garat e fitnesit “IFBB ELITE PRO” të cilat u mbajtën në Madrid nga 26-27 maj. Vitin e kaluar, Geta arriti të dalë e para në kampionatin botëror dhe atë evropian. Suksesi i arritur ka bërë që garuesja kosovare të marrë edhe oferta të ndryshme për të stërvitur sportistë anembanë globit.