Pos me dy skuadra dhe me dy çifte gjyqtarësh, Federata e Hendbollit e Kosovës në fundjavë u prezantua në gara evropiane edhe me një delegat të ndeshjeve.

Eshref Beqiri ishte delegat i EHF-së në ndeshjen e raundit të dytë të Kupës Evropiane për hendbolliste mes skuadrës sllovene Litija dhe skuadrës Hazena Kynzvart nga Çekia.

Ndeshja u zhvillua të shtunën në Litija të Sllovenisë, ndërsa fitore 30:23 shënoi skuadra çeke. Hazena Kynzvart e kishte fituar bindshëm edhe ndeshjen e parë dhe avancoi në raundin e tretë. Beqiri tashmë delegohet thuajse rregullisht në ndeshje të kupave evropiane.