Doktori Sadri Berisha, kandidat për deputet nga Lidhja Demokratike e Kosovës, ka zhvilluar takim me studentët e Fakultetit të Mjekësisë në Universitetin e Prishtinës.

Berisha ka thënë se të rinj japin shpresë për një të ardhme më të mirë në shëndetësi dhe përtej, raporton “Epoka e re”.

“Sonte, pata kënaqësinë të takoj studentët e Fakultetit të Mjekësisë në Universitetin e Prishtinës, një grup i jashtëzakonshëm i të rinjve plot energji dhe pasion për profesionin e tyre të ardhshëm. Diskutuam për sfidat që hasin gjatë studimeve dhe mundësitë që ofron fusha e mjekësisë për të ndikuar pozitivisht në shoqëri. Ishte frymëzuese të dëgjoja idetë e tyre dhe të ndajmë pikëpamje për të ardhmen. Të rinj si këta na japin shpresë për një të ardhme më të mirë në shëndetësi dhe përtej”, ka shkruar Berisha në “Facebook”.