Vaksinimi për grupin tjetër me prioritet, i cili përfshin edukatorë, anëtarë të Ministrisë së Brendshme, ushtrisë serbe dhe përfaqësuesve të medieve në Serbi, do të fillojë nesër.

“Përfaqësuesit e medies, posaçërisht punonjësit e medies që janë vazhdimisht në terren, përfshihen në grupin prioritar, me thirrjen e shoqatave të medies, por edhe me kërkesë të presidentit serb, Aleksandër Vuçiq. Nga nesër, vaksinimi masiv i popullsisë do të fillojë”, ka thënë kryeministrja e Serbisë, Ana Bërnabiq.

Ajo u ka bërë apel të gjithëve që të aplikojnë në sa më shumë numra të jetë e mundur. Siç ka deklaruar ajo, sa më shpejt dhe në mënyrë efikase të bëhet vaksinimi, aq më i shpejtë do të jetë kthimi në normalitet.