Banka Evropiane për Rindërtim dhe Zhvillim (BERZH),  do të mbajë një mbledhje të hapur më 12 prill në projektin Trans Adriatic Pipeline (TAP), i cili parashikon transportin e gazit azerbajxhanas në Evropë.

Kjo është bërë e ditur nga burime zyrtare brenda bankës, sipas citimit të mediave azere, por ende nuk ka njoftim zyrtar. “Ky konsultim po organizohet për të rishikuar financimin. Ne presim që Bordi i Drejtorëve i EBRD-së do të diskutojë mbi financimit që do të jepet para fundit të vitit 2018. Përveç BERZH, Banka Europiane e Investimeve (BEI) do të diskutojë edhe shpërndarjen e kredisë prej 1.5 miliardë euro për TAP në shkurt 2018”- shkruajnë mediat azere.

Më herët, u bë e ditur se Banka Europiane për Rindërtim dhe Zhvillim (BERZH) pritet të disbursojë 500 milionë euro për projektin Trans Adriatic Pipeline (TAP) deri në fund të vitit 2018, nga burimet brenda bankës,raporton “monitor.al”. “Ne presim që Bordi i Drejtorëve të BERZH-së do të diskutojë projektin para fundit të vitit 2018. Aktualisht, projekti është në fazën e duhur të strukturimit. Nuk është praktika jonë të komentojmë fazat e përgatitjes së projektit apo kohën e tyre, por mund të themi se projekti po ecën sipas planit “, ka thënë një burim i BERZH-it për gazetën azere “Trend”.

Projekti TAP ka kaluar shqyrtimin e konceptit dhe tani është në pritje të shqyrtimit të strukturës nga BERZH. Përfituesi i huasë është konsorciumi i TAP AG. Përveç BERZH, Banka Europiane e Investimeve (BEI) do të diskutojë edhe shpërndarjen e kredisë prej 1.5 miliardë euro për TAP në shkurt 2018.

TAP, me vlerë 4.5 miliardë euro, është pjesë e Korridorit Jugor të Gazit, i cili është një nga projektet prioritare të energjisë për Bashkimin Europian. Projekti parashikon transportin e gazit nga Shah Deniz Faza e Azerbajxhanit në vendet e BE-së.

Tubacioni do të lidhet me Gazsjellësin anadollian TANAP, në kufirin turko-grek, më pas do të drejtohet përmes Greqisë, Shqipërisë dhe detit Adriatik, para se të vijnë në breg, në jug të Italisë.

TAP do të jetë 878 kilometra në gjatësi (nga ku 550 kilometra i ka Greqia, Shqipëria 215 kilometra, deti Adriatik 105 kilometra dhe Italia 8 kilometra).

Aksionerët e TAP janë të përbërë nga BP (20%), SOCAR (20%), Snam S.p.A. (20%), Fluxys (19%), Enagás (16%) dhe Axpo (5%).