Të mërkurën në Vushtrri është mbajtur turneu tradicional “Jeton Tërstena – Tota”, në të cilin morën pjesë katër skuadra të hendbollistëve.

Turneu u mbajt në palestrën në Vushtrri që mban pikërisht këtë emër të madh të sportit. Turneu u fitua nga Besa Famgas, që në finale e mposhti skuadrën e Prishtinës me rezultat 30:22. Në gjysmëfinale Prishtina fitoi ndaj Vushtrrisë nikoqire me rezultat 31:27, ndërsa Besa fitoi ndaj Prizrenit me rezultat 40:18.