![](https://www.epokaere.com/wp-content/uploads/2024/08/FB_IMG_1725007044678.jpg)
Besa Famgas fiton turneun “Jeton Tërstena – Tota”
30 gusht 2024
| 10:38
Besa Famgas është fituese e turneut “Jeton Tërstena – Tota”. Turneu tradicional u zhvillua të mërkurën në palestrën në Vushtrri, që me krenari e mban emrin e këtij heroi.
Skuadra pejane në finale e mposhti ekipin përfaqësues të Qipros Veriore me rezultat 45:29.
Në gjysmëfinale, Besa Famgas fitoi ndaj Vjosës me rezultat 35:20, kurse Qipro Veriore mposhti Vushtrrinë me 37:31.
Turneu u organizua nga KH Vushtrria në bashkëpunim me Komunën e Vushtrrisë.
Turneu që i kushtohet ish-hendbollistit dhe luftëtarit të UÇK-së, Jeton Tërstena, zhvillohet tradicionalisht në prag të fillimit të edicionit garues.