Shefi i grupit parlamentar të Aleancës për Ardhmërinë e Kosovës (AAK), Besnik Tahiri, ka akuzuar kryeministrin Albin Kurti për përkeqësimin e raporteve me Shtetet e Bashkuara të Amerikës, duke i thënë “vega jote me bo hajgare me Amerikën”.

“Ti mendon që mundesh me e mashtruar një popull, qysh i ke mashtruar, i ke marrë 51 për qind tu thonë që mu nuk m’ka zgjedh një ambasador. Populli e di shumë mirë kush është Amerika, populli edhe ti edhe krejt na e kemi obligim me përçuar amanetin e të parëve tonë se kush është Amerika prej presidentit Wilson që e ka siguruar pavarësinë e Shqipërisë e deri te ky i fundit që është në krah tonë. E ti, vega e jote me bo hajgare me Amerikën”, ka thënë Tahiri.