![](https://www.epokaere.com/wp-content/uploads/2022/05/besnik-tahiri.jpg)
Besnik Tahiri për Trustin: Do ta gjejmë mënyrën për ta mundësuar tërheqjen
Shefi i Grupit Parlamentar të AAK-së, Besnik Tahiri shprehet optimist se tërheqja e mjeteve nga Trusti do të kalojë në Kuvendin e Kosovës.
Ndonëse për këtë është kundët grupi më i madh parlamentar në Kuvend, shefi i deputetëve të AAK-së tha në Frontal të T7 se do ta gjejnë një formë për ta miratuar këtë.
“Ne do ta gjejmë formën me e kalu Trustin dhe do ta kalojmë. Unë jam i bindur që aty ka deputetë…”, tha ai.
Ai iu kundërpërgjigje edhe kryetares së GP të LV-së, Mimoza Kusarit, e cila ka thënë se nuk do ta lejojnë tërheqjen e mjeteve nga Trusti.
“Sepse Mimoza Kusari tha që nuk themelohet as komisioni hetimor, e i bëri dy”, tha Tahiri, duke theksuar se për këtë çështje është optimist.
Partia Demokratike e Kosovës ka propozuar tërheqjen deri në 30 për qind të kursimeve pensionale.