Kryetari i zgjedhur i Komunës së Zubin Potokut, Izmir Zeqiri, sapo e bëri betimin si kryetar i kësaj komune.

Ai në fjalimin përshëndetës, tha se do të ofroj shërbime për të gjithë qytetarët e komunës pa dallim, përfshirë komunitetin shumicë serb.

Zeqiri po ashtu premtoi se do t’i zbatoj ligjet e Republikës së Kosovës, raporton teve1.info.

“Uroj që tani e tutje të jemi në nivel të përgjegjësisë më të lartë duke i ofruar qytetarëve të Zubin Potokut pa asnjë dallim të gjitha shërbime, të gjitha kërkesat që u nevojiten të gjithë qytetarëve duke përfshirë sidomos komunitetin shumicë serb.

Uroj të jemi bashkë me punët dhe përgjegjësitë tona që i kemi që ta zbatojmë ligjin e Republikës së Kosovës në tërë territorin e Republikës së Kosovës”, tha ai.