Presidenti i SHBA, Joe Biden i ka dhuruar  kryeministrit të Mbretërisë së Bashkuar, Boris Johnson, një biçikletë të punuar  me dorë në takimin e tyre të parë si udhëheqës të G7 në Anglinë jug-perëndimore, raporton BBC.

Biçikleta është prodhuar nga një firmë e vogël e Filadelfias, që  mori porosinë vetëm disa ditë më parë, për të ndërtuar një biçikletë të kuqe, që normalisht kërkon disa  muaj për t’u ndërtuar.

Kryeministri britanik, është parë shpesh duke udhëtuar me biçikletë rreth Londrës. Ndërkohë, dhurata e tij për Joe Biden, ishte një fotografi murale  tregonte fushatarin amerikan të anti-skllavërisë Frederick Douglass.

Joe Biden u takua me kryeministrin britanik në fillim të samitit të G7 në Gjirin Carbis, Cornwall të premten.

Biçikleta e dhuruar nga presidenti amerikan është krijuar nga Bilenky Cycle Works, një biznes me një staf prej katër personash.